Məktəbəqədər təhsil fakültəsinin dekanı ped.e.d, dos. N.T.Hüseynovanın rəhbərliyi ilə 06.12.2024 il tarixində Daun sindromlu şəxslərin reabilitasiya mərkəzinə fakültənin professor -müəllim və tələbə heyətinin səfəri təşkil olunmuşdur. Tələbələr mərkəzdə reabilitasiyaya cəlb olunan Daun sindromlu uşaqlarla birgə rəsmlər cəkib, rəqs ediblər. Tədbirdə Xüsusi təhsil kafedrasının müdiri dos. Simnarə Heydərova, dos. Səbinə Aslanova, müəllimlər Səlbi Abasova və Günay Bədəlzadə iştirak etmişdirlər. Məktəbəqədər təhsil fakültəsinin TEC-in sədri Pedaqoji psixologiya kafedrasının müəllimi Türkan Rəhimli və Mədinə Həziyeva ixtisas tələbələrinə Daun sindromlu uşaqlarla necə ünsiyyət qurmağı haqqında geniş məlumat vermişdilər. Bu maarifləndirici günün təşkilinə dəstək olduğu üçün Daun sindromlu şəxslərin reabilitasiya mərkəzinin rəhbəri Natella xanım Həsənovaya öz təşəkkürümüzü bildiririk.