01.05.2025 tarixində TEC-in xətti ilə Məktəbəqədər təhsil fakültəsində hər il ənənəvi olaraq keçirilən Heydər Əliyevin anadan olmasının 102-ci ildönümünə həsr olunmuş Tələbə elmi konfransı keçirilmişdir. Plenar iclasda Məktəbəqədər təhsil fakültəsinin dekanı ped.e.d., dos. Nailə xanım Hüseynova, Məktəbəqədər təhsilin pedaqogikası kafedrasının müdiri prof. Müseyib İlyasov, Pedaqoji psixologiya kafedrasının müdiri prof. Şəhla Əliyeva və Xüsusi təhsil kafedrasının müdiri dos. Simnarə Heydərova  çıxış etmişdir. Bununla yanaşı, Məktəbəqədər təhsilin pedaqogikası kafedrasının  müəllimi ped.ü.f.d., dos. Xalidə Həmidovanın məruzəsi dinlənildi. Plenar iclasdan sonra konfrans öz fəaliyyətini 3 bölmə üzrə davam edib və hər bölmədə tələbələrin məruzələr dinlənilib. Seçilmiş məruzələrin müəllifləri birinci, ikinci və üçüncü yer olmaqla diplomlarla təltif olunmuşdur.