Məktəbəqədər təhsil fakültəsinin Elmi Şurasının 07.12.2023-cü il tarixində iclası keçirilmişdir.İclasda Məktəbəqədər təhsil fakültəsinin dekanı, ped.ü.e.d.,dos.Nailə Hüseynova, dekan müavinləri p.ü.f.d.Südabə İsgəndərova, Sevinc Eylazova, Ümumi psixologiya kafedrasının müdiri, prof.Ramiz Əliyev,Pedaqoji psixologiya kafedrasının müdiri, prof. Şəhla Əliyeva,Xüsusi təhsil kafedrasının müdiri, dos.Simnarə Heydərova və fakültə Elmi Şurasının üzvləri  iştirak etmişdir.İclası giriş sözü ilə açan Məktəbəqədər təhsil  fakültəsinin dekanı ped.ü.e.d.,dos. Nailə Hüseynova iclasın gündəliyini iştirakçıların diqqətinə çatdırıb.N.Hüseynova iclasın gündəliyində 2023/2024-cü il  payız imtahan sessiyasına hazırlıq və imtahanların mütəşəkkil keçirilməsi üçün görüləcək işlər haqqında ətraflı məlumat verdi. Eyni zamanda iclasda 2023-cü   il   fəlsəfə   doktoru  hazırlığı üzrə ADPU-nun  qiyabi doktoranturasına qəbul olunmuş “Ümumi  psixologiya” kafedrasıın doktorantı Kərimli Turan Abdulxalıq oğlunun və  “Məktəbəqədər təhsilin pedaqogikası” kafedrasının dissertantı Orucəliyeva Şəkər Şahlar qızının  dissertasiya mövzuları və  elmi   rəhbərləri təyin edilmişdir.Daha sonra ADPU-nun müvafiq   kafedraları  üzrə   professor  və dosent  vəzifələrinin   tutulması   üçün   14 oktyabr  2023-cü il     tarixdə   “Xalq qəzeti”ndə   dərc edilmiş elana əsasən “Məktəbəqədər təhsilin pedaqogikası” kafedrası və “Ümumi   psixologiya” kafedrası üzrə dosent  vəzifəsinin   tutulması   üçün   vəsatət  qaldırılması üçün gizli səsvermə keçirilmişdi.