21.05.2024-cü il tarixində, Məktəbəqədər təhsil fakültəsinin, Məktəbəqədər təhsil ixtisasının MQT 2004B qrup tələbələrinin, təhkim olunduqları "Qərənfil" körpələr evi-uşaq bağçasında "Əlvida bağça" adlı tədbirləri baş tutmuşdur. Tədbirdə fakültə dekanı ped.e.d., dos. N.T.Hüseynova, Məktəbəqədər təhsilin pedaqogikası kafedrasının müdiri professor Müseyib İlyasov,Ped.e.d.,dosent B.Şərafət, p.ü.f.d.M.Yeganə və "Qərənfil" körpələr evi-uşaq bağçasının metodistləri İ.Pərvanə və B.Fidan iştirak etmişdirlər. Tədbirdə tələbələrin və uşaqların hazırladıqları rəqs və səhnəciklər izlənilmiş, tələbələrin fəaliyyəti xüsusi olaraq dəyərləndirilmişdir. Sonda “Qərənfil” körpələr evi-uşaq bağçasının müdiri İradə Rüstəmova tərəfindən 2023/2024-cü tədris ilində “Qərənfil” körpələr evi-uşaq bağçasında pedaqoji təcrübə müddətində həyata keçirilən pedaqoji, ictimai-siyasi tədbirlərdə fəal iştiraklarına görə Azərbaycan Dövlət Pedaqoji Universitetinin Məktəbəqədər təhsil fakültəsinin, Məktəbəqədər təhsil ixtisasının MQT2004B qrup tələbələrinə sertifikatlar təqdim edilmişdir.