17.03.2025 tarixində Məktəbəqədər təhsil fakültəsinin Tələbə Elmi Cəmiyyətinin təşəbbüsü ilə Novruz bayramı şənliyi keçirilmişdir.

Tədbir Vətən müharibəsində şəhid olan qəhrəmanlarımızın xatirəsinin bir dəqiqəlik sükutla yad edilməsi ilə başladı və daha sonra Azərbaycan Respublikasının Dövlət Himni səsləndirildi.

Tədbirin açılışı üçün Məktəbəqədər Təhsil Fakültəsinin dekanı ped.e.d., dosent Nailə xanım Hüseynovaya söz verildi. Nailə xanım tədbirdə iştirak edən fakültə üzrə professor - müəllim heyətini və tələbələri Novruz bayramı münasibətilə təbrik etdi.

Tədbirimizdə İxtisas kafedralarının müdirləri prof. Müseyib İlyasov, prof. Ramiz Əliyev, prof. Şəhla Əliyeva və dos. Simnarə Heydərova da çıxış edərək tələbələri təbrik etdilər.

Tədbirdə tələbələr milli rəqslər, baharın gəlişi ilə əlaqədar olan çərşənbələri özündə ehtiva edən şeirlər, milli musiqilər nümayiş etdirdilər.

Sonda Məktəbəqədər Təhsil Fakültəsinin dekanı ped.e.d., dosent Nailə xanım Hüseynova tədbirdə iştirak edən bütün professor - müəllim heyətinə və tələbələrə öz təşəkkürünü bildirərək tədbiri sonlandırdı.