25 may 2023-cü il tarixində Məktəbəqədər təhsil fakültəsinin “Məktəbəqədər təhsil” ixtisası üzrə III tədris ilinin tələbələrinin “Məktəbəqədər təhsil müəssisələrində əmək və onun tədrisi metodikası” fənnindən hazırladıqları əl işlərinin sərgisi təşkil olunmuşdur. Sərgidə Məktəbəqədər təhsil fakültəsinin dekanı pedaqogika üzrə elmlər doktoru Nailə Hüseynova, Məktəbəqədər təhsilin pedaqogikası kafedrasının müdiri professor Müseyib İlyasov, Pedaqoji Psixologiya kafedrasının müdiri professor Şəhla Əliyeva, Ümumi Psixologiya kafedrasının müdiri professor Ramiz Əliyev, Xüsusi Təhsil kafedrasının müdiri dossent Simnarə Heydərova və kafedranın professor-müəllim heyəti və tələbələr iştirak etmişdir. Xeyriyyə məqsədi ilə təşkil edilən sərginin təqdirəlayiq iş olduğunu vurğulayan Məktəbəqədər təhsil fakültəsinin dekanı pedaqogika üzrə elmlər doktoru Nailə Hüseynova sərgini dəstəkləmiş və tələbələrin fəal iştirakına şərait yaratmışdır. Sərgidə iştirak edən professor-müəllim heyəti və tələbələr Məktəbəqədər təhsil fakültəsinin foyesində tələbələrin hazırladıqları əl işlərindən ibarət təşkil olunan sərgi ilə tanış olmuş və sərgidən əldə edilən gəlirin xeyriyyə məqsədə yönəlməsinə kömək etmişlər.